హాలీవుడ్ ఎంట్రీపై స్పష్టత ఇచ్చిన మెగా పవర్ స్టార్!
మెగా పవర్ స్టార్ రామ్ చరణ్ ఒక్కో సినిమాతో తన స్టార్డమ్ను పెంచుకుంటూ పోతున్నారు. ‘రంగస్థలం’తో నటుడిగా తనలోని సరికొత్త కోణాన్ని బయటకు తీసిన ఈ మెగా హీరో.. ‘ఆర్ఆర్ఆర్’తో అసలైన సత్తా ఏంటో చాటాడు. రామ్ పాత్రలో ఉన్న గాంభీర్యాన్ని, దేశభక్తిని చాటుతూ ఆయన చేసిన నటనకు అందరూ ఫిదా అయ్యారు. ఈ మూవీతో పాన్ వరల్డ్ లెవల్లో అందరి అభిమానాన్ని ఆయన సంపాదించారు. ఈ నేపథ్యంలో చెర్రీ హాలీవుడ్ ఎంట్రీ ఎప్పుడనేది ఆసక్తిగా మారింది. దీనిపై చెర్రీ ఓ ఇంటర్వ్యూలో క్లారిటీ ఇచ్చారు. ఓ హాలీవుడ్ స్టూడియోతో చర్చలు జరుగుతున్నాయని.. త్వరలోనే దీనిపై స్పష్టత రానుందని చరణ్ చెప్పారు.
