Thursday, November 19, 2026

తీరం దాటనున్న అక్వాన్ తీవ్ర తుఫాన్

Must Read

పశ్చిమ మధ్య బంగాళాఖాతంలో కొనసాగుతున్న అక్వాన్ తీవ్ర తుఫాన్ గత ఆరు గంటలుగా గంటకు 5 కిలోమీటర్ల వేగంతో తీరం వైపు కదులుతోంది. ప్రస్తుతం ఇది నరసాపురానికి 470 కిలోమీటర్లు మరియు కళింగపట్నానికి 490 కిలోమీటర్ల దూరంలో కేంద్రీకృతమై ఉన్నట్లు విపత్తుల నిర్వహణ సంస్థ వెల్లడించింది. రేపు మధ్యాహ్నానికి నరసాపురం మరియు పూరీ ప్రాంతాల మధ్య ఈ తుఫాన్ తీరాన్ని దాటే అవకాశం ఉందని ఆ సమయంలో గంటకు 90 నుంచి 110 కిలోమీటర్ల వేగంతో బలమైన ఈదురుగాలులు వీస్తాయని అధికారులు హెచ్చరించారు.

తుఫాన్ ప్రభావం వల్ల నేడు మరియు రేపు ఉత్తరాంధ్ర జిల్లాల్లో భారీ వర్షాలు కురిసే అవకాశం ఉన్నందున ప్రజలు అప్రమత్తంగా ఉండాలని ఏపీఎస్డీఎంఏ ఎండీ ప్రఖర్ జైన్ సూచించారు. తీరం వెంబడి గంటకు 60 నుంచి 80 కిలోమీటర్ల వేగంతో గాలులు వీస్తాయని మత్స్యకారులు ఎట్టి పరిస్థితుల్లోనూ సముద్రంలో వేటకు వెళ్లరాదని హెచ్చరించారు. తుఫాన్ ముప్పు తొలగిపోయే వరకు తీర ప్రాంత ప్రజలు సురక్షిత ప్రాంతాల్లో ఉంటూ అధికారుల సూచనలను పాటించాలని కోరారు.

- Advertisement -
- Advertisement -
Latest News

బంగ్లాదేశ్ లో మళ్లీ రాజకీయ హింస

బంగ్లాదేశ్ దేశంలో మరోసారి రాజకీయ హింస చెలరేగడంతో తీవ్ర ఉద్రిక్త పరిస్థితులు నెలకొన్నాయి. మాజీ ప్రధాని షేక్ హసీనాకు చెందిన అవామీ లీగ్ పార్టీ పిలుపునిచ్చిన...
- Advertisement -

More Articles Like This

- Advertisement -