వాళ్ల వల్లే బతికా.. హెల్త్ అప్డేట్ ఇచ్చిన స్టార్ హీరోయిన్!
బాలీవుడ్ స్టార్ హీరోయిన్, మాజీ విశ్వసుందరి సుస్మితా సేన్ ఇటీవల గుండెపోటుకు గురయ్యారు. దీని గురించి ఆమె మాట్లాడుతూ.. ప్రధాన రక్తనాళం చాలా మటుకు మూసుకుపోయిందన్నారు. సరైన టైమ్లో డాక్టర్లు ట్రీట్మెంట్ చేయడంతో తాను ఆరోగ్యంగా ఉన్నానని చెప్పారు. తన హెల్త్ కండీషన్ను వివరిస్తూ తాజాగా ఇన్స్టాగ్రామ్లో ఆమె ఓ వీడియోను షేర్ చేశారు. తన మీద ఫ్యాన్స్ చూపిస్తున్న అభిమానం, ప్రేమకు సుస్మిత థ్యాంక్స్ చెప్పారు.
వైద్యం అందించిన డాక్టర్లకు సుస్మితా సేన్ కృతజ్ఞతలు తెలిపారు. ‘రీసెంట్గా నేను తీవ్రమైన గుండెపోటకు గురయ్యా. అప్పుడు ప్రధాన రక్తనాళం 95 శాతం వరకు మూసుకుపోయింది. ముంబైలోని నానావతి ఆస్పత్రిలో ట్రీట్మెంట్ తీసుకున్నా. వైద్యుల శ్రమతో నేను ప్రమాదం నుంచి బయటపడ్డా. త్వరలో ‘ఆర్య 3’ షూటింగ్లో పాల్గొంటా. మీ అందర్నీ మళ్లీ అలరిస్తా’ అని సుస్మిత పేర్కొన్నారు.
