ముగ్గురు స్టార్లు కలిసొస్తున్నా.. KGF పోలిక తప్పట్లేదే!
‘కేజీఎఫ్’, ‘విక్రాంత్ రోణ’, ‘కాంతార’ లాంటి పాన్ ఇండియా బ్లాక్ బస్టర్లను అందించిన శాండల్వుడ్ నుంచి ఇప్పుడు మరో బిగ్ బడ్జెట్ మూవీ వస్తోంది. కన్నడ స్టార్ హీరో ఉపేంద్ర నటించిన ‘కబ్జా’ రిలీజ్కు రెడీ అవుతోంది. ఉపేంద్ర పక్కన శ్రియా సరన్ నటిస్తున్న ఈ ఫిల్మ్ మార్చి 17న ప్రేక్షకుల ముందుకు రానుంది. కన్నడతో పాటు తెలుగు, తమిళం, మలయాళ, హిందీ భాషల్లో భారీగా విడుదల కానుంది. కన్నడ స్టార్లు శివరాజ్ కుమార్, కిచ్చా సుదీప్ కూడా ఇందులో కీలక పాత్రలు పోషిస్తున్నారు. ఈ మూవీ ట్రైలర్ రీసెంట్గా యూట్యూబ్లో రిలీజై అందర్నీ ఆకట్టుకుంటోంది.
‘కబ్జా’ ట్రైలర్లో స్టోరీ ఏంటో చెప్పకుండా మేకర్స్ సస్పెన్స్ను మెయింటెన్ చేశారు. ‘ఒక సామ్రాజ్య నిర్మాణం నరికే కత్తిలో కాదు.. ఆ కత్తిని పట్టుకున్న బలమైన చేతితోనే సాధ్యం’ అంటూ ఉపేంద్ర చెప్పిన డైలాగులు మూవీపై ఇంట్రెస్ట్ను పెంచుతున్నాయి. అయితే ఇందులోని యాక్షన్ సీన్స్ ‘కేజీఎఫ్’ను తలపిస్తున్నాయి. ఆ గ్రాండియర్నెస్, బ్యాగ్రౌండ్ మ్యూజిక్ ఎంతకాదన్నా ‘కేజీఎఫ్’నే తలపిస్తున్నాయని నెటిజన్స్ అంటున్నారు. ముగ్గురు హీరోలు కలిసొస్తున్నా మూవీకి ‘కేజీఎఫ్’ పోలికలు తప్పట్లేదు. ఒకవేళ కంటెంట్ గనక బాగుంటే సౌత్తో పాటు నార్త్లోనూ మరో కన్నడ మూవీ బ్లాక్ బస్టర్ కొట్టినట్లేనని ముందే ఫిక్స్ అయిపోవచ్చు. ఎటొచ్చి ప్రేక్షకులకు సరికొత్త అనుభూతిని, ప్రెష్నెస్ను పంచాలి. మరి.. ఈ మూవీ ఎంతలా సక్సెస్ అవుతుందో చూడాలి.
