యూజర్ల కోసం ప్రముఖ మెసేజ్ యాప్ వాట్సాప్ కొత్త ఫీచర్లను అందుబాటులోకి తీసుకొస్తుంది. తాజాగా వాట్సాప్ మరో కొత్త ఫీచర్ను తీసుకొచ్చింది. వాట్సాప్ స్టేటస్ను నేరుగా ఫేస్బుక్, ఇన్స్టాగ్రామ్ స్టోరీలుగా పెట్టే సదుపాయం తీసుకొచ్చేందుకు సిద్ధమైంది. ఈ విషయాన్ని మెటా తన బ్లాగ్ పోస్ట్లో పంచుకుంది. స్టేటస్ పెట్టే సమయంలో ఫేస్బుక్ స్టోరీ, ఇన్స్టాగ్రామ్ స్టోరీ అని రెండు ఆప్షన్లు కనిపించనున్నాయి. వాటిని ఎనేబల్ చేసుకొని ఈ సదుపాయం పొందొచ్చు. ఒక వేళ వద్దనుకుంటే డిసేబుల్ చేసుకోవచ్చు. ఈ ఫీచర్ని వాట్సప్ ప్రపంచవ్యాప్తంగా తీసుకురానుంది. త్వరలోనే అందరికీ అందుబాటులోకి రానుంది. దీంతో పాటు అవతార్స్, మెటా ఏఐ స్టిక్కర్స్.. ఇలా కొత్త ఫీచర్లు కూడా వాట్సప్లో అందుబాటులోకి రానున్నాయి.
More Articles Like This
- Advertisement -
