ఏపీలో మద్యం దుకాణాలకు భారీగా అప్లికేషన్లు

ఏపీలో నూతన మద్యం పాలసీ అమలులోకి వచ్చింది. రాష్ట్ర వ్యాప్తంగా మద్యం దుకాణాల కోసం ప్రభుత్వం దరఖాస్తులు స్వీకరించింది. అయితే, కేవలం మూడు రోజుల్లోనే ప్రభుత్వానికి మూడు వేల దరఖాస్తులు వచ్చాయి. మొదటి రోజు 200 అప్లికేషన్లు రాగా, ఆ తర్వాత రెండు రోజుల్లో 2800 అప్లికేషన్లు వచ్చాయి. అక్టోబర్ 09వ తేదీ దరఖాస్తు స్వీకరణకు చివరి తేదీ. అప్లికేషన్ల రూపంలో ప్రభుత్వానికి రూ.60కోట్ల రాబడి వచ్చింది. ఏపీలో మొత్తం 3396 మద్యం షాపులు ఉండగా.. 12 స్మార్ట్ స్టోర్స్ ఉన్నాయి.