ఏపీ లిక్కర్ స్కామ్ కేసులో మరో కీలక పరిణామం చోటు చేసుకుంది. ఈ కేసుకు సంబంధించి ఎన్ఫోర్స్మెంట్ డైరెక్టరేట్ (ఈడీ) మరో ఎంపీకి నోటీసులు జారీ చేసింది. వైఎస్సార్ కాంగ్రెస్ పార్టీ సీనియర్ నేత, ఎంపీ మిథున్ రెడ్డిని విచారణకు హాజరుకావాలని ఈడీ ఆదేశించింది. ఈ నెల 23వ తేదీన విచారణకు రావాలని నోటీసుల్లో స్పష్టం చేసింది. లిక్కర్ స్కామ్లో మిథున్ రెడ్డి పాత్రపై అనుమానాలు ఉన్నాయని, ముఖ్యంగా హవాలా మార్గంలో నిధుల మళ్లింపు, మనీ ల్యాండరింగ్ జరిగినట్టు ఈడీ వర్గాలు అనుమానం వ్యక్తం చేస్తున్నాయి. ఇప్పటికే ఈ కేసులో పలువురు వ్యక్తులను విచారించిన ఈడీ, తాజాగా మరో ఎంపీకి నోటీసులు ఇవ్వడంతో రాజకీయ వర్గాల్లో చర్చలు మొదలయ్యాయి. అక్రమ ఆర్థిక లావాదేవీలు, నిధుల దారి మళ్లింపుపై లోతైన దర్యాప్తు కొనసాగుతోందని అధికారులు చెబుతున్నారు. ఇదిలా ఉండగా, ఇదే కేసులో ఇప్పటికే మాజీ ఎంపీ విజయసాయిరెడ్డికి కూడా ఈడీ నోటీసులు జారీ చేసిన విషయం తెలిసిందే. ఈ నెల 22వ తేదీన విచారణకు హాజరుకావాలని ఆయనకు ఈడీ సూచించింది. తాజా నోటీసులతో వైసీపీ వర్గాల్లో ఉత్కంఠ పెరిగింది. రానున్న రోజుల్లో ఈ కేసులో మరిన్ని కీలక పరిణామాలు చోటు చేసుకునే అవకాశం ఉందని రాజకీయ విశ్లేషకులు అభిప్రాయపడుతున్నారు.
More Articles Like This
- Advertisement -
