మాజీ రాష్ట్రపతి, భారతరత్న డాక్టర్ సర్వేపల్లి రాధాకృష్ణన్ జయంతి సందర్భంగా ఆయన సేవలను స్మరించుకుంటూ ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి నివాళులు అర్పించారు. ఈ సందర్భంగా ఆయన సోషల్ మీడియా వేదికగా సందేశం విడుదల చేస్తూ, “దేశానికి అహర్నిశలు సేవలందించిన మహనీయుడు డాక్టర్ రాధాకృష్ణన్ గారి జయంతి సందర్భంగా ఆయనకు మనస్ఫూర్తిగా నివాళులు. నేడు ఉపాధ్యాయ దినోత్సవం సందర్భంగా అన్ని ఉపాధ్యాయులకూ హృదయపూర్వక శుభాకాంక్షలు” అని పేర్కొన్నారు. ప్రతి విద్యార్థి జీవితానికి దిశానిర్దేశం చేసే ఉపాధ్యాయుల పాత్ర అమూల్యమని, వారి సేవలను గుర్తించి గౌరవించడం సమాజ బాధ్యత అని సీఎం అన్నారు.
మిలాద్-ఉన్-నబీ శుభాకాంక్షలు
ముస్లిం సోదర సోదరీమణులకు ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి మిలాద్-ఉన్-నబీ సందర్భంగా శుభాకాంక్షలు తెలిపారు. ఈ సందర్భంగా ఆయన సోషల్ మీడియా వేదికగా ట్వీట్ చేస్తూ, “శత్రువులను కూడా క్షమించాలనే భావం, ప్రతి ఒక్కరిలో ప్రేమ, కరుణ, సహనం పెంపొందించాలనే మహ్మద్ ప్రవక్త బోధనలు సదా అనుసరణీయమైనవి. ప్రవక్త జన్మదినం సందర్భంగా ఆయన ఆశీస్సులు అందరిపై ఉండాలని కోరుకుంటున్నాను” అని పేర్కొన్నారు. మిలాద్-ఉన్-నబీ పర్వదినం దేశవ్యాప్తంగా విశేష భక్తిశ్రద్ధలతో జరుపుకుంటున్నారు.
