హైదరాబాద్ లో రియల్ ఎస్టేట్ ధమాల్!

హైదరాబాద్ లో ఇప్పుడు అందరికీ హైడ్రా భయం పట్టుకుంది. సేల్ డీడ్, హౌజ్ పర్మిషన్, నల్లా కనెక్షన్, టాక్స్ రశీదు ఉన్నప్పటికీ.. హైడ్రా తగ్గడం లేదు. ఎఫ్ టీఎల్, బఫర్ జోన్, ప్రభుత్వం స్థలాలను అడుగు ఆక్రమించినా.. కూల్చేస్తున్నారు. లబోదిబోమని మొత్తుకున్నా.. బుల్‌డోజర్లు మాత్రం కనికరించడం లేదు. దీంతో నగరంలో ఇల్లు కొనాలంటేనే సగటు మనిషి ఆలోచిస్తున్నాడు. ముఖ్యంగా మధ్య తరగతి కుటుంబాలు మాత్రం ప్రస్తుతం ఇండ్ల జోలికి పోవడం లేదు. గతేడాదితో పోల్చుకుంటే ఈ ఏడాది రియల్ ఎస్టేట్ 30 శాతం పడిపోయింది. గతేడాది సెప్టెంబర్ నెలలో రిజిస్ట్రేషన్ల కింద ప్రభుత్వానికి రూ.955 కోట్లు రాగా.. ఈ ఏడాది సెప్టెంబర్ లో రూ.650 కోట్లు మాత్రమే వచ్చాయి. దాదాపు 20వేల లావాదేవీలు తగ్గిపోయాయి. అయితే, మీరు స్థలం కొనాలంటే ఇప్పుడు పైన పేర్కొన్న డాక్యుమెంట్లతో పాటు సదరు స్థలం బఫర్ జోన్ లో ఉందా? లేదా? అని తెలుసుకోవాలి. ఇందుకోసం https://lakes.hmda.gov.in/ అనే వెబ్ సైట్ ను సందర్శించాలి.