వాణిజ్య సుంకాల కారణంగా భారత్, అమెరికా మధ్య సంబంధాలు బలహీనమైన ఈ సమయంలో, మళ్లీ చల్లదనానికి అవకాశం కనిపిస్తోంది. అమెరికా మాజీ అధ్యక్షుడు డోనాల్డ్ ట్రంప్ తనకు భారత్ ప్రధాని నరేంద్ర మోడీ మంచి స్నేహితుడని పేర్కొన్నారు. ఆయనతో మాట్లాడేందుకు ఎదురుచూస్తున్నట్లు సోషల్ మీడియాలో తెలిపారు. వాణిజ్యం విషయంలో ఇరుదేశాలు పరస్పరం సహకరించుకుంటాయన్న విశ్వాసాన్ని కూడా వ్యక్తం చేశారు. ట్రంప్ పోస్ట్‌కు ప్రధాని మోడీ స్పందించారు. ట్రంప్‌తో మాట్లాడేందుకు తాను కూడా ఎదురుచూస్తున్నట్లు చెప్పారు. భారత్, అమెరికా సన్నిహిత స్నేహితులని, సహజ భాగస్వాములని పేర్కొన్నారు. ఇరుదేశాల మధ్య సంబంధాలు మళ్లీ మెరుగవుతాయని ఆశాభావం వ్యక్తం చేశారు. ఈ చర్చలు త్వరగా పూర్తి అయ్యేలా బృందాలు కృషి చేస్తున్నట్లు తెలిపారు. రెండు దేశాల ప్రజలకు మంచి భవిష్యత్ అందించేందుకు కలిసి పని చేస్తామన్నారు. ట్రంప్ తన మొదటి పాలనలో మోడీతో సన్నిహితంగా ఉన్నారు. రెండోసారి అధికారంలోకి వచ్చిన తర్వాత కొద్ది రోజులపాటు ఇదే స్నేహం కొనసాగింది. కానీ, అనంతరం భారత్‌పై 25 శాతం సుంకం విధించారు. ఆపై రష్యాతో చమురు కొనుగోలు సంబంధాలు పెంచినందుకు మరో 25 శాతం సుంకం వేశారు. దాంతో మొత్తం 50 శాతం సుంకం విధించబడింది. ఇది ప్రపంచంలో ఏ ఇతర దేశంపై విధించని స్థాయిలో భారత్‌పై ప్రభావం చూపింది. ఈ పరిస్థితుల్లో భారత్ స్పష్టంగా రష్యా నుంచే చమురు కొనుగోలు చేస్తామని ప్రకటించింది. రైతుల ప్రయోజనాల కోసం ఎలాంటి సుంకాలనైనా భరించేందుకు సిద్ధమని ప్రధాని మోదీ స్పష్టం చేశారు. ఇప్పుడు మళ్లీ మాటల మార్పిడితో ఈ రెండు దేశాల మధ్య సంబంధాలు కుదుటపడే సూచనలు కనిపిస్తున్నాయి.
More Articles Like This
- Advertisement -
