కాంగ్రెస్ నేత ప్రియాంక గాంధీ భర్త రాబర్ట్ వాద్రాపై ఎన్‌ఫోర్స్‌మెంట్ డైరెక్టరేట్ కీలక చర్య తీసుకుంది. ఆయనపై మనీ లాండరింగ్ కేసులో ఛార్జ్షీట్ నమోదు చేసింది. ఈ కేసులో దర్యాప్తు కొనసాగిస్తున్న ఈడీ, మొత్తం రూ. 37.64 కోట్ల విలువైన 43 స్థిరాస్తులను కూడా జప్తు చేసినట్టు అధికార వర్గాలు వెల్లడించాయి. ఈ కేసు వెనుక ఉన్న నేపథ్యం 2018లో హర్యానా రాష్ట్రం గుర్‌గావ్‌కు చేరుతుంది. అక్కడ అక్రమంగా కమర్షియల్ లైసెన్స్‌ను వాడి భూమిని కొనుగోలు చేసినట్టుగా రాబర్ట్ వాద్రాపై ఆరోపణలు వచ్చాయి. అప్పట్లో పోలీసులు కేసు నమోదు చేశారు. తాజాగా ఈ అంశంపై ఈడీ ఢిల్లీలోని రౌస్ అవెన్యూ కోర్టులో ఛార్జ్షీట్ దాఖలు చేసింది. రాబర్ట్ వాద్రా అక్రమ ఆస్తుల కొనుగోలు కోసం నిధుల మళ్లింపుకు పాల్పడ్డారని ఈడీ తమ నివేదికలో పేర్కొంది. కేసు మరింత విచారణకు రానుంది.
More Articles Like This
- Advertisement -
