తెలంగాణ మరియు ఆంధ్రప్రదేశ్ సహా దేశంలోని ఏడు రాష్ట్రాలు కేంద్ర పాలిత ప్రాంతాల్లో కొనసాగుతున్న ఓటర్ల జాబితా ప్రత్యేక సవరణ ప్రక్రియ గడువును కేంద్ర ఎన్నికల సంఘం పొడిగించింది. ఓటర్ల జాబితాపై అభ్యంతరాలు మరియు క్లెయిమ్ల స్వీకరణ పరిష్కారానికి డిసెంబర్ 15వ తేదీ వరకు అవకాశం కల్పిస్తూ ఉత్తర్వులు జారీ చేసింది. సవరణ ప్రక్రియ పూర్తయిన తర్వాత ఆయా రాష్ట్రాల్లో డిసెంబర్ 22వ తేదీన తుది ఓటర్ల జాబితాను విడుదల చేయనున్నట్లు స్పష్టం చేసింది.
తెలుగు రాష్ట్రాలతో పాటు మహారాష్ట్ర ఢిల్లీ నాగాలాండ్ హర్యానా మరియు జార్ఖండ్ రాష్ట్రాలకు ఈ సవరించిన షెడ్యూల్ వర్తించనుంది. ఓటర్ల జాబితాలో అందుబాటులో లేని వలస వెళ్లిన మరణించిన మరియు నకిలీ ఓటర్లను గుర్తించేందుకు నవంబర్ 18 నుంచి 30వ తేదీ వరకు ఎన్యూమరేషన్ ఫారాలను పంపిణీ చేసి సేకరించాలని అధికారులను ఆదేశించింది. వాటి పరిశీలనను డిసెంబర్ 10 నాటికి పూర్తి చేసి పారదర్శకమైన ఓటర్ల జాబితాను రూపొందించాలని సీఈఓలకు మార్గదర్శకాలు ఇచ్చింది.

